محشي ورق العنب بخلطة اللحم والأرز



محشي ورق العنب

 ورق عنب معلب حوالي نص كيلو
ربع كيلو لحمة
كباية ونص رز مصري
بهارات (شمار، قرفة، فلفل، كزبرة)
ملعقة صلصة طماطم
طماطماية مهروسة
بصلاية مبشورة
3 فصوص توم مدقوق
ملح
حزمة بقدونس مفرومة (3ملاعق)
زيت زيتون
ربع كوب عصير ليمون ممكن تخففو شوية لكن انا بحبو حااااااادق
كوبين مرقة دجاج معاهم ملح وصلصة وبهارات

اول شي نقعت الرز قريب ساعة بعدين كبيت زيت في الطوة قلبت اللحمة مع البهارات وملعقة صلصة والبقدونس
وكبيت الرز وقلبتو كويييس
طلعت ورق العنب غسلتو كويس وجففته وبديت أحشي ورصيته في الحلة وضغطت شوية بيدي وكبيت الشوربة والليمون وختيت صحن بفوق بعدين قفلت بغطا الحلة وخليته على نار متوسطة لمدة نص ساعة لغاية ما الموية اتشربت والرز نجض وكبيت زيت الزيتون في الوش للنكهة.
محشي ورق العنب

تعليقات

إرسال تعليق

المشاركات الشائعة من هذه المدونة

أطباق سودانية/ ملاح التقلية

صورة
ملاح التقلية: سيد المائدة السودانية ومحبوب الجماهير طبعا طريقته ساهلة لمن تكون مكوناته الاساسية متوفرة اللي هي الشرموط (اللحم المجفف) والكشنة (البصل المحمر) والويكة. لكن لمن تكون ما متوفرة طبعا بنستخدم البدايل. المكونات: بصلتين متوسطات مقطعات لمكعبات كبايتين شوربة لحم (كل ما سلقت لحم ولا حمرته بشيل منو شوية شوربة وبختها في التلاجة في جردل صغيروني وشوية شوية بتبقى كتيرة اها دي بتنفعني في المحاشي وملاحات الويكة وكده يعني بدل الماجي) كباية موية نص كباية زيت ربع كيلو لحم مفروم ملعقة ونص صلصة ملح ملعقة صغيرة توم ملعقة كبيرة ملعقة صغيرة من البهارات مسحونة  (كزبرة، زنجبيل، بابريكا، شمار، فلفل) ملعقتين ويكة ملعقة صغيرة سكر الطريقة: كبيت الزيت في الطوة سخن شوية كبيت البصل وقلبتو لغاية ما اتحمر نزلت فيه اللحمة قلبتها شوية كبيت الصلصة بعدين حولت الكلام ده كله للحلة وكبيت الشوربة والموية  والملح والتوم وقفلته 10 دقايق بعدين بمفراك الكهربا خلطته لمن بقى ناااااعم كبيت الويكة والبهارات في النهاية اديته ملعقة السكر وده سر المهنة 👌 خليته خمس دقايق على نار هاا...
قراءة المزيد

أطباق سودانية/ بامية مفروكة بالسلج

صورة
بامية مفروكة بالسلج السلام عليكم ورحمة الله وبركاته الفيديو في اليوتيوب بالعربية الفصحى أما الشرح التحت هنا باللهجة السودانية. البامية المفروكة والخدرة من الأكلات المحببة والمفضلة عندي وما بقدر أستغنى عنهم أبدا مهما جربت أصناف تانية بلف بلف وفي النهاية برجع ليهم وبستمتع بأكلهم😋  يلا أنا نحن طبعا ستات البيوت اتعودنا نعمل أكلنا بدون مقادير لكن للناس المبتدين يدوب بيتعلمو لازم نقرب ليهم عشان الأكلة تظبط معاهم من أول مرة. المقادير: بامية مقطعة 4 اكواب تقريبا 400 غ  سلج مقطع وأنا كنت محتفظة بيه في الفريزر حوالي 2 كوب. نص كيلو لحمة ضان وممكن تستخدمو عجالي بصلة متوسطة مقطعة مكعبات ملعقة كبيرة توم مدقوق ملعقة صغيرة (فلفل، كزبرة، شمار)  ربع ملعقة صغيرة كربونات الصودا ملح حسب الذوق  اذا بتستعملو مرقة ممكن ترمو مكعب بخليها خطيرة  4 كبايات موية (كباية العصير) الطريقة: 1- كبيت الموية (4اكواب) في الحلة وخليتها تغلي وغسلت اللحم كويس وكبيته في الموية غلى زي 5 دقايق طلع الرغوة البنية اتخلصت منها بالكمشة. 2- ضفت البصلاية والملح وقفلت الحلة خ...
قراءة المزيد